Azərbaycanda koronavirusla bağlı ümumi test sayı 400 mini ötdü - STATİSTİKA

Facebook Twitter

Azərbaycanda bu gün koronavirusla bağlı test sayı açıqlanıb. Bu barədə Tibbi Ərazi Bölmələrini İdarəetmə Birliyi (TƏBİB) məlumat yayıb.

Məlumata görə, bu gün COVID-19-la bağlı 6 100 test aparılıb.

Bununla da ölkədə koronavirusla bağlı aparılan teslərin sayı 403 499-a çatıb. Qeyd edək ki, Azərbaycanda 338 yeni koronavirus infeksiyasına yoluxma faktı qeydə alınıb, 117 nəfər müalicə olunaraq sağalıb və evə buraxılıb. COVID-19 üçün götürülən analiz nümunələri müsbət çıxmış 6 nəfər vəfat edib.

Hazırkı dövrədək ölkəmizdə 11 329 nəfərin koronavirus infeksiyasına yoluxması faktı müəyyən edilib, onlardan 6 192 nəfər müalicə olunaraq sağalıb, 139 nəfər vəfat edib, 4 998 nəfərin xüsusi rejimli xəstəxanalarda müalicəsi davam etdirilir.