COVİD-19 pandemiyası bütün dünyada iqtisadiyyata, əhalinin iş imkanlarına, gəlirlərinə təsir edib. Azərbaycan bu pandemiya ilə bağlı vaxtında önləyici tədbirlər almaqla virusun geniş yayılmasının qarşısını ala bilən azsaylı dövlətlərdəndir. Amma bununla yanaşı tətbiq olunan karantin rejimi xüsusilə aztəminatlı ailələrə dəstəyin verilməsini ön plana çıxarıb. Dövlətin dəstəyi ilə yanaşı soydaşlarımızın da aztəminatlı ailələrə yardım etməsi həmrəyliyimizin göstəricisidir. Xüsusilə xaricdə yaşayan soydaşlarımızın təşəbbüskarlığı sevindirici haldır. Almaniyanın Köln şəhərində fəaliyyət göstərən "Azərbaycan mədəniyyət evi"nin rəhbəri Ağa Ağayev aztəminatlı ailələrə dəstək olub. Ağa Ağayev şəxsi vəsaiti hesabına 140 imkansız ailəyə dəstək olub.

---