Dini Qurumlarla İş üzrə Dövlət Komitəsinin tabeliyində fəaliyyət göstərən Mənəvi Dəyərlərin Təbliği Fondu 15 sentyabr – Bilik Günü münasibəti ilə videoçarx hazırlayıb.
İlkxeber.org-un məlumatına görə, çarxda Xalq artistləri Nurəddin Mehdixanlı, Mənsum İbrahimov, Mübariz Tağıyev, Mehriban Zəki, Əməkdar artistlər Nərgiz Cəlilova, Bəhram Bağırzadə, aparıcılar Lalə Azərtaş, Ceyhun Əli, Emin Musəvi və yazıçı Günel Anarqızı yer alıb.Onlar ümummilli lider Heydər Əliyev, Məhsəti Gəncəvi, Nizami Gəncəvi, Mömünə Xatun, İmaməddin Nəsimi, Mirzə Fətəli Axundzadə, Hacı Zeynalabdin Tağıyev, Mirvarid Dilbazi, Əzizə Cəfərzadə və Albert Eynşteynin təhsil haqda dediyi kəlamları səsləndirib.
