Bakıda iki uşaq anasının 150 min manatını dələduzluq yolu ilə ələ keçiriblər – Ölkə rəhbərliyinə müraciət – VİDEO

Yenicag.az-a müraciət edən şikayətçi bildirib ki, dələduzluqda təqsirləndirilən Kifayət Dostumalıyeva və oğlu Kənan Yusifov Bakı Ağır Cinayətlər Məhkəməsində bəraət alıb.

Şikayətçi Dostumalıyeva ilə Tamara adlı rəfiqəsi vasitəsiylə tanış olduğunu qeyd edib. Onun sözlərinə görə, tanışlıqdan sonra tərəflər ortaq ticarət etmək qərarına gəliblər. Razılıqdan sonra Rəna Verdiyeva 2012-ci ilin sentyabrında Kifayət Dostumalıyevaya notarial qaydada 20 min manat verib. Şəriklər daha sonra ”Sədərək”də mağaza açıblar.

Rəna Verdiyeva bildirib ki, daha sonra da ondan 120 min manat pul alınıb. Şikayətçinin sözlərinə görə, Kənan ona zəng edərək, malların gömrükdə qaldığını, əlavə 10 min manata ehtiyac olduğunu bildirib.

Bir müddət sonra ortaqları ilə haqq-hesab etmək istəyən Rəna Verdiyeva qarşı tərəfdən müxtəlif bəhanələr eşidib. O, çox keçməyib ki, dələduzluqla üzləşdiyini fərqinə varıb.

Ətraflı videoda:

 

www.yenicag.az

Bunlara da bax

Köşə